حكاية يوم الخميس مع البنات والشباب

" حكاية يوم الخميس مع الشباب والبنات "

" حكاية يوم الخميس مع الشباب والبنات "


يوم الخميس : يوم عادي زي باقي الأيام

ولكنه : نهاية الأسبوع

وجاااي بعده : يوم الجمعة يعني أجازة


طيب اليوم دة بيمثل إيه عند الكبار والصغار


نبتدي بالصغار: يوم الخميس ده يعني لعب كرة يعني كمبيوتر يعني نت يعني ألعاب أون لاين يعني حاجات كثيرة


طيب والكبار شوية : يعني نت يعني كرة يعني خروج للمولات يعني خروج في شلة و خروج مع جروب


طيب نعمل تقسيم ظريف البنات الأول وبعدين الشباب


البنات : يوم الخميس بالنسبه لهم يعني الفسحة الأسبوعية اللي بيخرجوا فيها

كَبت طول الأسبوع وبلاش كبت ,


نسمي يوم الخميس يوم الإنطلاق , يعني خروج مع الصاحب وخروج مع الشلة أو خروج مع الأهل


الشباب : يوم الخميس ده يعني خروج مع البنت اللي بيحبها وخروج مع الشلة وخروج مع الأصحاب


يوم الخميس عند الشباب : يعني يوم الدماغ العالمي , يوم الشيشة , يوم البانجو يوم الحشيش


يوم الخميس عند البنات : يعني يوم الكوافير والخروج للمولات والتسوق , أو يوم الخروج مع خطيبها أو يوم السينما



طيب دي صورة من انطباع يوم الخميس عند شباب وبنات مسلمين وغير مسلمين


طيب هل إحنا كمسلمين نعرف؟؟؟


نعرف ايه؟؟


إن الاعمال بتترفع كل يوم إثنين وخميس عند ربنا


--------------------


ترفع الأعمال إلى الله ( يوميا , وأسبوعيا , وسنويا ).


1. فيرفع إليه عمل النهار في أول الليل ( صلاة العصر).


2. ويرفع إليه عمل الليل في أول النهار ( صلاة الفجر ).


رقم 1و2 ليس بهم دليل وللأمانة كل الأدلة منقولة ولكن ما ورد به دليل هم يومي الإثنين والخميس


3. وترفع أعمال الأسبوع في يومي الاثنين والخميس .

ففي الحديث (إن الأعمال ترفع يوم الاثنين و الخميس ، فأحب أن يرفع عملي و أنا صائم).


الراوي: أبو هريرة و أسامة بن زيد - خلاصة الدرجة: صحيح - المحدث: الألباني -المصدر: صحيح الجامع - الصفحة أو الرقم:1583


4. وترفع أعمال السنة في شهر شعبان


ففي الحديث: ( يا

رسول الله ! لم ارك تصوم شهرا من الشهور ما تصوم من شعبان ؟ ! قال : ذلك

شهر يغفل الناس عنه ، بين رجب ورمضان ، وهو شهر ترفع فيه الأعمال إلى رب

العالمين ، فأحب أن يرفع عملي ، وأنا صائم )


الراوي: أسامة بن زيد - خلاصة الدرجة: حسن - المحدث: الألباني - المصدر: صحيح النسائي - الصفحة أو الرقم: 2356


5. وإذا انقضى الأجل رُفع عمل العمر كله , وطويت صحيفة أعماله .


" حكاية يوم الخميس مع الشباب والبنات "


ده كدة الواحد يخاف على نفسه بقى

ويبقى كل الأيام زي بعضها عند ربنا وفي أفضلية طبعا لأيام


الأيام المفضلة للصوم الإثنين والخميس وهي أيضا من الأيام التي يرى الله فيها أعمال عباده


فتيجي الصفحة اللي مكتوب فيها أعمال أي إنسان مثلاً يوم الخميس , اه ده صلى النهاردة الظهر والعصر بس ومصلاش الباقي , وشرب النهارده

3 سجاير , واختلا ببنت وبيقول عليها صاحبته , و اتفرج على 20بنت في اليوم ده وما غضش بصره


هكذا ترفع الاعمال : هذا تخيلي مني ولكن اعلم أن الأعمال كلها صغيرها وكبيرها محفوظ بطريقة وكيفية يعلمها الله .


تخيلوا يوم الخميس ده مثلا مع الشيخ محمد متولي الشعراوي رحمه الله ,

هيكون شكله إيه , وهو بيترفع عمله في اليوم ده , آه ده صلى كل الصلوات وكل

النوافل , وقرأ 5 أجزاء من القرآن الكريم يعني كل حرف بحسنة والحسنة بعشر

أمثالها ويضاعف الله لمن يشاء يعني آلاف الحسنات , وتصدق النهاردة ب 200

جنيه وقام الليل , واستغفر ربنا 80 مرة ,


الله الله الله


شوفوا يوم الخميس عند ناس شكله إيه , وعند ناس يعرفوا قيمة الثانية قد إيه مش اليوم كمان


في ناس مش عارفة قيمة وقتها , وناس بتحافظ على كل وقتها في طاعة الله


تخيل انت أو تخيلي


كام خميس فاتوا في عمرك؟؟؟


كام يوم فات من عمرك في طاعة الله ؟؟

وكام يوم في معصية الله ؟؟

وكام يوم نص نص؟؟؟


لازم نحاسب نفسنا


طبعاً الكلام اللي أنا وضحت بيه يوم الخميس في أعلى الموضوع ده عند الناس اللي فعلاً

ربنا يهديهم ويهدينا

لأن كل اللي أنا ذكرته حرام في حرام ما عدا الخروج مع شلة كلها بنات أو كلها ولاد ماشيين بدون معاصي


يعني الخروج مع بنت أو بنت مع ولد , والتدخين والإدمان أو تعاطي المخدرات و المعاكسات وعدم غض البصر


كل ده غلط وحرام


يعني إنت


لو خارج مع واحدة صاحبتك ولقيت أختك مع واحد غريب , هتعمل إيه ؟؟؟


هتبقى مكسوف من نفسك وفي نفس الوقت هتبقى عايز تِمَوِت أختك في الشارع


يبقى اللي ماتقبلوش على نفسك ماتقبلوش علي غيرك


قال رسول الله صلى الله عليه وسلم " حب لأخيك ماتحبه لنفسك "


فالإسلام جميل أوي وأحلى ما فيه إن اللي بيطبقه صح هو ده اللي بيحس بالسعادة في الدنيا والآخرة ومش كلام ,,

فعلاً بيحس بالسعادة دي والسعادة دي نتيجة إن ربنا راضي عن العبد ده


وأخيراً : قولنا المولات عشان ده المكان اللي بيتجمع فيه الشباب والبنات للتسوق أو لمعصية الله عن طريق الخروج والخلوة بين شاب وفتاة

والجروبات شباب وبنات والهزار اللي فيه البنت

بتبقى زي الولد مع أن وجودها بالشكل ده غلط من الأساس , تخيلوا أب لو شاف

ولد بيهزر مع بنته وبيخبطها على إيديها أو رجليها أو أو


هيكون إحساسه إيه!!!!!


ودلوقتي في نهاية الموضوع ...


تحب يترفع عملك عند ربنا وانت بتطيعه ولا تحب يترفع عملك وانت بتعصيه


اخجل من الخالق وتذكر أن الله غفور رحيم

فاستغفر الله الآن


أستغفر الله العظيم , أستغفر الله العظيم


وصلي اللهم علي سيدنا محمد وعلي اله وصحبه وسلم

مشكور جدا على الموضوع الرائع ونتمنى المزيد منك