فى ظل الظروه السابفه تعالو ننسى الهم شويه

س- ما هي المفاجأة في أصابه شارون بنزيف في المخ؟؟
ج-أتضح انه عنده
دم


س-لما ذا لا يصاب الحكام العرب بنزيف المخ؟
ج-عشان ما عندهمش
مخ

س - ما هو الناتج عن موت شارون إكل****يا؟
ج- زاد العرب
واحد

س- ما هي السمة المشتركة في الانتخابات العربية ؟
ج- صناديق
الأكترااع


س - ما هو شعار الحزب الوطني ؟
ج – اللي يحب النبي
يصووووت

س- السياسة التي يتتبعها الحزب الوطني؟؟
ج-بيضاء على الكريم

سوداء على ألئيم
بمبه مسخسخ على اللي يحب الحريم

س- قالو جورج بوش
الابن سينشر الديموقراطية. ماذا يعنى بنشر؟؟؟
ج- انه يكون زى المنشار طالع واكل
نازل واكل

س- عرف المساواة ؟
ج- ( هي كلمة من مقطعتين الموس :- وهي أداه
يقطع بها لسان كل مواطن يتطوال على الحكومة
والواه :- هي الكلمة التي تصدر من
ذلك المواطن لما يقطع لسانه )

س -ليه الوزراء يحلفا اليمين عند توليهم
المنصب ؟
ج-عشان يبقوا يصوموا 3 ايام كفارة اليمين

س- ليه مفيش في مصر
عبد الحليم خدام ؟؟
ج-عشان كلهم خدامين أمريكا

س- من هو الرئيس العربي
الذى ترك الحكم طواعية..؟
ج- مختار ولد طايع اللي طاع عليه
الحكم


س-أيهما اخطر إسرائيل آم أمريكا؟
ج- ممكن احذف
إجابتين؟


س- هل يجوز أن نطلق على الشعوب العربية شعوب داجنة
بمعني
"مستأنسة وتربي بالبيوت"ا؟؟
ج- التعريف ده لايق اكتر خرفان مغمية يقودها حمار يا
ترى هيوديها فين
مع الاعتذار للشعوب العربية وللحمار



س- لماذا
نقول دائما على الناجحين في الانتخابات أنهم ناجحون باللعب في الأصوات؟
ج- عشان
أحنا شعب حاقد وخسارة فينا الديموقراطية


س-لماذا لا يتحد
العرب؟؟
ج-عشان يوفرا نفقات الاحتفالات السنوية بالعيد


س- رأيك ما
هو أسوأ مصير ممكن يلقاه صدام من المحاكمة قبل اصدار الحكم ؟
ج- السجن او النفى
او القتل
يبعتوه عندنا يحققوا معاه في آمن الدولة

س-لماذا تتواجد
المشاكل دائما في كل اجتماعات الرؤساء العرب ؟
ج-عشان الحياة الزوجية من غير
مشاكل بتبقا مملة اوى اوى

س- ايه صلة القرابة بين العرب و الهنود الحمر
؟
ج-الاتنين على راسهم ريشة.....

س-ماهى موصفات الحاكم العربى
؟
الاجابة
1-طول النفس (لا أنه هيقعد فى الحكم 898989سنه )
2- البرود (
عشان يطلع للشعب كل شويه بتصريحات ورديه
)
3- العته (عشان يصدق قراراته التاريخيه الحكيمه )
4-الخشوع (لزوم التصوير
ساعة صلاة العيد)

**********
الحكومة المصرية

دكتور مصرى و دكتور
ياباني و دكتور أمريكي ف مؤتمر عن زراعة الأعضاء الأمريكي قال "احنا كان عندنا ف
أمريكا واحد ما بيشوفش جبنا قطة و دبحناها و خدنا عنيها و زرعناهم للراجل". اللي
واقفين قالوله: "ياااه؟ و بيشوف كويس؟" قال لهم "يوووه ده بيشوف اللي ورا الشمس
دلوقت!" قام الياباني قال "احنا كان عندنا واحد كبده تعبان فجبنا قطة و دبحناها و
خدنا كبده و زرعناهاله" قالوله "يا سلام؟ و بيشتغل كويس؟" قال لهم "أمال..ده بيهضم
الزلط دلوقت" العربى قال "إحنا بقى كان عندنا واحد مخه بايظ رحنا شيلنا مخه و حطينا
بداله جزمة" قالوله "إيه؟؟ مش معقول! و لسة عايش؟" قال لهم" ده رئيس وزرا عندنا
دلوقت
__________

رئيس الوزرة دولة "عربتمان" راح للريس بعد ما شالوه من
الوزارة، وقال له "عايز أعرف انت شلتنى ليه ياريس؟"، قال له "يا حبيبي التغيير سُنة
الحياة"، قال له "طيب شلت وزير المواصلات ليه؟، قال له "يا حبيبي التغيير سُنة
الحياة"، قال له "طيب ممكن أسالك سؤال؟ ليه انت الوحيد اللي ما بتتغيرش؟" قال له
"ياحبيبي تغييركم انتم سُنة لكن أنا وجودي فرض
_______
نكته منتشره فى رسائل
الموبايل

أن تعطى أبنك موبايل فأنت لطيف
وان تعطى أبنك سياره أنت كريم

وان تعطى ابنك بلد وشعبا ليلعب بها هوا وأصحابه فأنت
مبارك

**********
الريس : عارف يا ابليس ياخويا, انا عاوز اعمل في الشعب
المصري
حركه تطلع من نافوخهم
أبليس : طب هات ودنك وخد الفكره دي .....وش وش
وش وش
الريس: لالا يا ابليس الفكره دي مش نافعه , عاوز حاجه أشد
أبليس : طب
خد دي ...... وش وش وش وش
الريس : لالا , برضه مش نافعه , ايه يا ابليس انت
بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش
وش وش
ابليس : لا يا راجل حرام عليك

ابليس نفسه مستحرم علينا

------------------------------

واحد اتحشر في زحمة المرور فلقى واحد
بيخبطله على شباك السيارة
فتح الشباك و سأله عايز ايه
قاله : الريس خطفوه و
الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه
بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في
المتوسط الناس بتتبرع بكام"
الرجل الثاني : " من 5 الى 10 لتر بنزين


قشطة فرصة وجت لحد عندنا
---------------------------

مره
الريس راح مدرسه ابتدائى فلما جت فتره الاسئله ولد رفع ايده
الريس ساله اسمك
ايه فقاله رامى فقاله ايه سؤالك يا رامى ؟
رامى : انا عندى اربع اسئله
1 -
ليه انت رئيس بقالك 30 سنه ؟
2 - لسه معينتش نائب ليه ؟
3 - ليه ولادك
ماسكين كل حاجه فى البلد ؟
4 - ليه مصر حالتها الاقتصاديه زفت وانت كأنك
مفيش؟

ساعتها بالظبط رن جرس الفسحة
وبعد الفسحة رجع الريس وقال احنا كنا
فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله
تامر فقاله سؤالك ايه يا تامر ؟
تامر : انا عندى 6 اسئلة
1 - ليه انت رئيس
بقالك 30 سنه ؟
2 - لسه معينتش نائب ؟
3 - ليه ولادك ماسكين
كل حاجه فى
البلد ؟
4 - ليه مصر حالتها الاقتصاديه زفت و انت فى الهوا سوا ؟
5 - ليه
جرس الراحه رن ربع ساعه بدرى ؟
6- فين رامى ؟؟؟؟؟؟

اكيد اعتقلوه ده
سؤال برده
--------------------------------------

*إخبرنى بصراحة يا
نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل
ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس
!!
الريس : طيب أنا الأفضل ولا السادات ؟
نظيف : سادات مين ياريس اللى كان
بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف :
انت طبعا يا ريس .. عمر بن الخطاب كان بيخاف من ربنا .. انت لأ

اول مرة فى
حياته يقول كلمة حق
----------------------------------------

*كان
الريس فى سرير المرض (امتى بس )حينما أخذ يلقى بوصاياه الأخيرة لوزيره نظيف :
-
وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها
جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى
يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة ..
أفاق منها بعد قليل )
- احمد
- نعم يا ريس؟
- ماتنساش .. توكيل الزلط
لعلاء

-----------------------------------------

بيقولك مره شيخ
اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع

الهرم راحوا مكلمين الريس و قالوله الشيخ تاب ياريس
تانى يوم لقوه فى
كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد
قالوا الشيخ تاب
و اناب و بقى من الحزب الوطنى ياريس
ههههههههههه معترفين
يعنى

--------------------------------------

ذهب نظيف عندما كان
نائبا الى
نزهة فوجد تمثالا للجندي المجهول يققف ممسكاً
ببندقيته فاقترب
منه وأخذ يتأمله، فقال له
التمثال: لقد تعبت من الوقوف فأحضر لي حصاناً

أركب عليه، فتعجب نظيف مما حدث ، وعندما عاد
أخبر مبارك بما جرى، فلم يصدقه
، وطلب
من نائبه أن يذهب سوياً للتحقق من الأمر
وعندما وصل نظيف و الريس
واقتربا من التمثال قال
التمثال لنظيف: لقد طلبت منك حصاناً وليس حماراً


-------------------------------------

*جمال مبارك بعد الخطوبة
..أبوه حب
يضمنله مستقبله ..جابله عقد عمل فى السعودية ..وشغلوه برضه ابن رئيس
جمهورية بالسااااااعة.
---------------------------------------

*
بيقولك فى عيد ميلاد حفيد الريس (الله يرحمه ) ..كل وزير جابله هدية ..اللى جابله
طيارة لعبة ..واللى جابله مسدس مية ..حبييب العادلى جابله تلات عربيات أمن مركزى
وأربع مخبرين لعبة.
بركاتك يا عادلى

--------------------------------------

* اشتكى الريس لحبيب العادلى
إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام
يا فندم قبضنا على كل اللى اسمهم حمو وجارى ردم النيل سعادتك.

----------------------------------

* سبب عدم غناء محمد ثروت فى
الحفلات الوطنية إنه مرة غلط وغنى :الله أكبر فوق كيد المعتدى.

-------------------------------

* الريس ركب طياره هو وعيلته. طلع
ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان
قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات
بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار
قال طيب ما ترمى نفسك وتسعد 85 مليون

ياااااه ياريته كان عملها من زمان كنا
زمانا مرتاحين
-------------------------------

مرة واحد ركب تاكسي ولقي
السواق معلق في العربية صور جمال عبد الناصر وانور السادات والريس
الراجل استغرب
سال السواق مين اللي انت معلقهم صورهم عندك
قالة دا جمال عبد الناصر الزعيم
المصري الراحل
ودا انور السادات قائد حركة السلام والامن في البلد
ودا
الريس أبو علاء شريكي في التاكسي

-------------------------------------


الريس بيخطب في الشعب فا كل شويه واحد يقوم
ويقول عاش الريس موحد الاديان ويقعد يروح حسني مكمل كلامه وشويه ويقوم الراجل ويقول
عاش الريس موحد الاديان فااتمسك امن دوله وطااااااااخ ويقولوله ايه الي انت بتقوله
دا ازاي موحد الاديان دي مصر فيها مسيحين ويهود ومسلمين وطااااااخ فرد عليهم يا
باشا ماهوه الي مكفرنا
----------------------------------

فى عيد
الأضحى طلب الريس من حبيب العادلى عشر خرفان عشان ينقى منهم خروف يضحى بيه فى العيد
..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى
خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب
وباقى الخرفان ..فرد حبيب :طلعوا إخوان مسلمين يا فندم


***************
الريس ماشي في الصحرا شاف تمثال ، قال لحبيب العادلي
شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده
رمسيس التاني يا فندم ، مبارك قاله : عرفت منين ، العادلي رد : اعترف يا فندم


حتى الحجر خلوه يعترف ويتكلم
---------------------------


بيقولك واحد تانى لقى الفانوس السحرى ده دعكه طلعله العفريت وقاله:شبيك
لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى
صعبه قوى نقى
حاجه تانيه الراجل قاله:خلاص خلى الريس يسيب الحكم؛العفريت
قاله:أنت عايز الكوبرى رايح جاى ولا رايح بس


ههههههههه
**********
قرر الريس ان يعين سكرتيره , فلجأ الي نظيف

الريس : اهم حاجه يا نظيف في اللي يشتغل معايا الامانه
نظيف : يا ريس احنا
عملنا اختبار لتلات بنات , ادينا لكل واحده كيس وقلنالها ودي الالف جنيه دول البنك
, كل واحده فتحت الكيس لقت فيه الفين جنيه , واحده حطت الف ورجعت بألف , التانيه
حطيت الالفين وجابت الوصل , التالته رجعت بالفلوس كلها وبتسأل تتصرف ازاي , ها يا
ريس هتعين مين ؟؟؟؟؟؟
الريس : اللي لابسه ميكرو جيب طبعا


مستنية
تعليقاتكم الجميلة